बीरेन्द्र पौडेल, मुम्बई (तस्वीर पनि)
नेपाली भाषी प्रकृति गिरी यतिबेला एकपछि अर्को गर्दै सफलताको सिढी चढ्दै छिन्। उनी स्टार प्लसमा सञ्चालन भईरहेको प्रतिस्पर्धात्मक रियालिटि शो अमुल स्टार भ्वाईस अफ इण्डिया (छोटे उस्ताद) को उत्कृष्ट आठमा पुग्न सफल भएकी छिन्। यति मात्र हैन यो हप्ता उनलाई सबै भन्दा भोट (एसएमएस) प्राप्त भएको छ। कक्षा ७ मा अध्ययनरत १२ वर्षीया प्रकृति यतिबेला आगामी प्रतिस्पर्धाको तयारीमा जुटेकी छिन् । प्रत्येक शुक्रबार र शनिबार राति १० बजेदेखि १२ बजेसम्म हुने अमुल स्टार भ्वाईस अफ इण्डियामा प्रकृतिलाई पहाडी ड्रागन पनि भनिन्छ। बलिउडकै बरिष्ठ गायक, गायिका तथा संगीतकार कुनाल गंजावाल, श्रेया घोसाल र प्रितम जज रहेका यस भ्वाईस अफ इण्डियाको दौडमा रहेकी प्रकृतिलाई एसएम एस गर्न ustaad 05 टाईप गरी 57827 मा पठाउन सकिने छ भने अनलाईन मार्फ भोट गर्नको लागि - www.indya.com/chhoteustaad/vote.asp मा गएर भोट गर्न सकिनेछ । प्रकृतिको लागि आज राति १२ बजेदेखि भोलि रात १२ बजेसम्म भोट गर्न सकिनेछ। कम बोल्ने तर मुस्कुराई रहने प्रकृतिले छोटे उस्ताजको ताज जित्नेछिन् भन्ने विश्वास सबै नेपालीले लिएका छन्। अहिले जसरी दार्जिलिङ, कालिङपोङ र गान्टोक लगायतका शहरहरु केही महिनाअघि प्रशान्तमय बनेका थिए अहिले त्यहि ठाउँ विस्तारै प्रकृतिमय बन्दैछ , चारै तिरबाट प्रकृतिलाई सहयोग र भोट जुटिरहेको छ। प्रकृतिले आफू नेपाली भाषी भएको नाताले प्राय सबै एपिसोडमा आफूलाई भोट गर्न नेपालीमै स्टार प्लस मार्फत अपिल गरेकी थिईन्। सानो उमेरमा निक्कै सफलता कमाई सकेकी यिनै गायिका प्रकृति गिरीसँग गरिएको कुराकानीको केही अंश-

प्रतियोगितामा उत्कृष्ट आठसम्म आई पुग्दा कस्तो महसुस भएको छ ?
मलाई निक्कै खुसी लागि रहेको छ। मैले अपिल गरे जस्तै सबै नेपालीहरुले मलाई भोट र एसएमएस गर्नुभएको छ। म सबैलाई धेरै धेरै धन्यवाद दिन चाहन्छु र अझै मलाई भोट गरेर अगाडि बढाउन आग्रह गर्दछु।
तपाईले छोटे उस्तादको ताज जिन्नुहोला ? तपाईलाई के लाग्छ ?
मैले यसमा सक्दो प्रयास गरेकी छु र मलाई लाग्छ म तपाईहरु सबैको सहयोग पाएमा अवश्य भ्वाईस अफ इण्डियाको ताज जित्न सक्नेछु।
यति सानो पढ्ने उमेरमा संगीत प्रति लाग्दा पढाईमा बाधा पुग्दैन ?
मैले पढाई र संगीतलाई साथमै लिएर अघि बढ्नेछु। पढाईसगै मैले साथमा संगीत पनि सिकिरहेकी छु।
तपाईको लक्ष्य के हो ?
मेरो लक्ष्य भविष्यमा चर्चित प्लेब्याक गायिका बन्ने हो।
तपाई को जस्तो बन्न चाहनुहुन्छ ?
(सर्माएर हाँस्दै) सके सम्म म धेरै अगाडि बढेर लता जी जस्तै बन्न चाहन्छु।
गायनको अलवा तपाईलाई के मा रुचि छ
मलाई डान्स गर्न र एक्टिङ गर्न पनि रुचि छ ।

मुम्वई ५ फाल्गुन । भोवाइस अफ इन्डिय छोटे उस्ताद रियालिटी सोमा लगातर दुई पटक सर्बाधिक भोट ल्याएर छैटौ स्थानमा पुग्न सफल दार्जिलिङ्गकी प्रकृति गिरीलाई अहिल्लो हप्ता पहिलो स्क्यारी लाइनमा आइ बाहिरीन पुगे पनि वाइल्ड कार्ड इन्ट्रीको माध्यमबाट पुनः एक पटक बाहिरिएका मध्ये सर्बाधिक मत ल्याएर प्रतिस्पर्धामा उत्रिन सफल भएकी छिन् र अहिले पनि उनी टप सिक्स अर्थात छैटो स्थानमा छिन् । धेरै पटक जुरीहरुले मन मुटाब गरे पनि यसपटकको गाइकीमा भने धेरै राम्रो प्रतिकृया उनले पाएकी छिन् । तेरे नामको लोक प्रिया गीत गाएर जुरीको मन जित्न सफल पनि भएकी छिन् । यसपटक लामो समयसम्म भोट दिने प्राबधान भएकोले नेपाली र नेपाली भाषी सबैले भोट दिएमा प्रशान्त तामाङ जस्तै छोटे उस्तादकी ताज पहिरिन सफल हुनेछन् । हामी सबैको एक एक भोट एक हाम्रो गर्बको माध्यम बन्न पनि सक्छ त्यसैले हामी सबैले भोट गरी जिताउने प्रयासमा लागौ भो्टिङ समय शनिबार १२ बजे देखि २४ फेब्रवरी २४ सम्म छ । भोटिङ माध्यमहरु धेरै प्रकारका छन् । जसमा USAAD 05 टाईप गरी 57827 मा पठाउन सकिने छ भने इन्टर नेटको माध्यमबाट http://www.indya.com/chhoteustaad/vote.asp मा लग अन गरी भोट दिन सकिन्छ त्यसैले हाम्रो सानो प्रयासले उनको भबिष्य बन्न पनि सकिन्छ भने हामी एक भोट दिन पछि नहटौ यही प्रण गर्दै एक भोट भए पनि दिउ । एक ले थुकी सुकी सयले थुकी बगी भने सबको सबको एकतृत भोटले जित्न सहयोग पुर्याउछ । भोट गरै नेपाली भाषी हाम्री चेलीलाई जिताउ यही नाराका साथ भोट दिउ दिलाउ र जिताउ ।