बीरेन्द्र पौडेल
मुर्म्बई ०५/०१ / गत १५ अगस्ट बुधबारका दिन मुर्म्बईमा एकसाथ एकै ठाउमा तीन जना नेपाली यूवाहरुको रहस्यमय मृत्यु भएको खबर छ । मुर्म्बईको थाना स्टेशननजिक फास्ट ट्रेनको ट्याकमा उनिहरु बुधबार बिहान आठ बजे मृतक अवस्थामा फेला परेका थिए । तीनै जना यूवाहरु मंगोलियन फेस भएका छन् । थाना स्टेशन पुलिसका अनुसार उनिहरुलाई टे्रनले ठक्कर दिएपछि उनिहरुको मृत्यु भएको हो । पुलिसका अनुसार उनिहरुको साथमा २ चाकु, र एक मोबाईल प्राप्त भएको छ । मृतक यूवाहरुको साथमा चाकु भएकोले उनिहरु क्रिमिनल हुनसक्ने आशंका समेत रेल वे पुलिसले गरेको छ । रेलको पटरीमा शव मिलेको हुनाले उनिहरुको मृत्यु टे्रेनको ठक्करबाट भएको आशंका गरिएता पनि एकसाथ तीन जनाको मृत्यु टे्रनको ठक्करबाट हुनुलाई रहस्यमय रुपमा लिन सकिन्छ । उनिहरुको शरीर अंगभंग नभएको र शरीरको कुनै भाग नकाटिएको हुनाले पनि यो घटना थप रहस्यमय बनेको छ । हालसम्म एकजनाको मात्र सनाखत भएको सो घटनामा परि मृत्यु हुने अन्य दर्ुइको भने सनाखत हुनसकेको छैन । Min Bahadur Kumal, Ratna Nagarpalika- 7 र अन्य दर्ुइ यूवाहरु सबै अन्दाजी २५ देखि ३० बर्षभित्रका छन् । उनिहरुको शव अहिले थानाको शिभिल हस्पिटलमा राखिएकोछ । उनिहरुको पोष्टमार्टम भैसकेको छ भने उनिहरुलाई सात दिनसम्म उक्त अस्पतालमा राखिने छ ।
सात दिनसम्म पनि उनिहरुको कोहि आफन्त नआएमा महानगरपालिकाले नै ति शवहरुको दाहसंस्कार गर्नेछ । मृतक यूवाहरुको विशेषगरी टाउकोमागहिरो चोट लागेको पुलिसले बताएका छन् ।