मुर्म्बई ६ जुलाई । विगत बर्षरुमा जस्तै यसबर्षपनि संयुक्त नेपाली महासंघ मुर्म्बईले प्रवासमा अध्ययनरत नेपाली विद्यार्थी हरुको हौसला अभिवृद्धि गर्ने उदेश्यले पुरस्कार तथा निशुल्क नोटबुक वितरण गरेको छ । मुर्म्बईको चर्निरोड स्थित मुर्म्बई मराठा साहित्य संघमा आयोजित महासंघको २५ औं बाषिर्क साधारण सभा तथा निशुल्क नोटबुक वितरण समारोहमा नर्सरी देखि विश्व विद्यालय स्तरका सयौं विद्यार्थीहरुलाई निशुल्क नोटबुक वितरण गरियो । सोहि अवसरमा हालै अत्याधिक अंक ल्याएर एसएससी, एचएससी र टि.वाईमा उर्तिण भएका विद्यार्थीहरुलाई समेत नगद पुरस्कार प्रदान गरिएको थियो । कार्यक्रममा एसएससीमा सबैभन्दा धेरै प्रतिशत ल्याउने चन्द्रकला शर्मा -८४५), चन्द्रकान्त शर्मा -८३५) र माधव पन्थी -८१५) लाई पुरस्कृत गरिएको थियो । यसैगरी एचएससीमा -७६५)ल्याउने आरती पाण्डे र टि.वाईमा -७३५) ल्याउने डोमकला बराललाई पनि नगद पुरस्कार प्रदान गरिएको थियो । पुरस्कृत विद्यार्थीहरुलाई कार्यक्रमका अतिथि तथा महासंघका सल्लाहकारद्धय राम विष्णु शर्मा र झपट एल सिंहले पुरस्कार प्रदान गर्नुभएको थियो । कार्यक्रमका अतिथि झपट एल सिंह, राम विष्णु शर्मा , महासंघका अध्यक्ष जगत बहादुर सिंह,पत्रकार वीरेन्द्र पौडेल, शिक्षक सुरेन्द्र केसी लगाएतका वक्ताहरुले पुरस्कृत विद्यार्थीहरुलाई धन्यवाद ज्ञापन गर्दै उनिहरुको उज्वल भविष्यको कामना सहित महासंघ सहृाना गरेका थिए । महासंघलाई निशुल्क नोट बुक वितरण गर्नको लागि -स्व.बुबा गगन सिंह बोहोरा को नाममा) कमलेश बोहोरा, झपट एल सिंह, राम शर्मा, शान्ता शर्मा ,प्रेम बईक, गौतम सिंह, सालिकराम तिवारी लगाएतका व्यक्तिहरुले विशेष सहयोग पुर्‍याउनु भएको थियो । महासंघका शिक्षा तथा खेलकुद उपाध्यक्ष प्रेमनाथ ढकालको अध्यक्षतामा सम्पन्न सो कार्यक्रमको सञ्चालन महामन्त्री तारा शर्माले गर्नुभएको थियो । -वीरेन्द्र पौडेल

बीरेन्द्र पौडेल, मुम्बई -
प्रशान्त तामाङ यतिबेला चर्चाको शिखरमा पुगेका छन्। सोनी टेलिभिजन बाट प्रशारण हुने इण्डिया आईडलमा सामान्य परिवारमा जन्मिएको एक नेपाली ठिटो प्रशान्त टपटेनमा पुगेपछि उनलाई देश-विदेशबाट लाखौं स्रोताहरुको सपोर्ट मिलेको छ। यतिबेला दार्जीलिङ, सिक्किम, कालेबुङ, खर्साङ, सिलगढी, डुर्वस लगाएतका सबै सडक गल्लीहरुमा प्रशान्त छाएका छन्। उनका तस्वीर र हस्ताक्षरले भरिएका ब्यानरहरु चोक चोकहरुमा लगाईएको छ। चारैतिर प्रशान्तको चर्चा परिचर्चा भैरहेको छ अझ भनौ भने प्रशान्तमय बनेको छ दार्जीलिङ। मुर्म्बईमा समेत प्रशान्तको सफलताको लागि लाखौं नेपालीहरुले भोट दिएका छन्। उनलाई प्रत्येक शुक्रबार राती साढे ९ बजे देखि २५२५ मा प्रशान्तको कोड नम्बर सहित एसएमएस गर्न सकिन्छ । साथै फोन गरेर पनि उनलाई भोट दिन सकिन्छ। दार्जीलिङ मात्रै हैन नेपालमा समेत प्रशान्तको सर्पोटमा विराटनगर, पोखरा र काठमाण्डौमा समेत संगीतप्रेमी यूवा युवतीहरुले तुल र ब्यानरको साथमा र्‍यालीहरु गरेका छन्। ‘विश्वभरका नेपालीले मत दिन पाए प्रशान्त अवश्य सफल हुने थिए।’ कामना गरौं, प्रशान्तको यात्राले गति लिन सकोस्। नेपालीको गौरवको रुपमा प्रशान्तलाई लिईएको छ। यतिबेला सबै तिरबाट एउटै आवाज छ वि वान्ट प्रशान्त, भोट फर प्रशान्त । प्रशान्तको लागि अरबीयन राष्ट्रहरुबाट पनि हज्जारौ भोटहरु प्राप्त भएको छ।

प्रशान्तलाई नेपाली संगीतकार, कलाकार र निर्देशकको सपोर्ट
नेपाली चलचित्र क्षेत्रका वरिष्ठ संगीतकार रञ्जित गजमेर इण्डियन आईडलमा प्रशान्त तामाङ पुग्नु सबै नेपालीहरुको लागि गर्वको कुरा भएको बताउनु हुन्छ। उहाँले हामी सबैले उसको सफलताको लागि विशेष पहल गर्नु पर्ने बताउनु भयो। नेपाली चलचित्र क्षेत्रका चर्चित कलाकार (खलनायक) सुनिल थापाले प्रशान्त इण्डियन आईडलमा टपटेनमा आउनु एउटा नेपालीहरुको गर्वको कुरा रहेको उल्लेख गर्दै उहाँले प्रशान्तलाई इण्डियन आईडल बनाउनको लागि सबैले एसएम एस गरेर सर्पोट गर्नुपर्ने बताउनुभयो। उहाँले प्रवासमा रहेका यूवाहरुलाई आफूले गर्ने फजुल खर्चबाट बचाएर प्रशान्तलाई भोटिङ गरेर जिताउन र नेपालीहरुको नाम उच्च राख्न समेत आब्हान गर्नुभयो। यसैगरी नेपाली चलचित्र क्षेत्रकै चर्चित निर्देशक नारायण पुरीले पनि प्रशान्तलाई सम्पूर्ण नेपालीहरुले सर्पोट गर्नु पर्ने बताउदै उनमा एउटा सफल गायक बन्ने खुबी रहेको बताउनु भयो।
हस्ताक्षरको लागि दार्जीलिङदेखि मुम्बईसम्म अर्याल
प्रशान्तको सर्पोट र प्रचार-प्रचार तथा हस्ताक्षरको लागि दार्जीलिङदेखि दैनिक पत्रिका हिमालयन दपर्णद्धारा तयार पारिएको ब्यानर लिएर रिपोर्टर ज्ञानेन्द्र अर्याल समेत मुर्म्बई आईपुगेका छन्। एक हप्ता अघि मुम्बई आई पुगेका अर्यालले प्रशान्तलाई भेटी उनको सपोर्टमा लाखौं स्रोताहरु रहेको बताउनु भयो। मुर्म्बई आउनुअघि कोलकत्ता पुलिस फोर्समा (जहाँ प्रशान्त कार्यरत थिए) पुगेर अर्यालले हस्ताक्षर संकलन गर्नुभएको थियो। अर्याल मुम्बईमा समेत प्रशान्तको सर्पोटको लागि एक र्‍याली र हस्ताक्षर संकलन गर्न आएको बताउनुहुन्छ।
को हुन प्रशान्त तामाङ ?
प्रशान्त तामाङ दार्जिलिङको तुङसुङवासी हुन् र हाल कोलकत्ता पुलिसको सिपाहीमा कार्यरत छन्। उनी कोलकत्ता पुलिसको “अर्केष्ट्रा ब्यान्ड” का गायक हुन्। ४ जनवरी १९८३ मा दार्जिलिङ को तुङसुङ भन्ने स्थानमा आमा रुपा तामाङ र स्व.बाबु मदन तामाङको कोखबाट जन्मिएका प्रशान्तका दुई दिदी अनुपमा र अर्चना छन्। प्रशान्त दार्जिलिङको स्थानीय सेन्ट रोवर्टस स्कुलमा पढ्दै गर्दा कोलकत्ता पुलिसमा कार्यरत उनका बुबाको अचानक निधन भएपछि घरमा आर्थिक स्थिति र्टार्न हम्मेहम्मे पर्दै थियो। प्रशान्तको माध्यमिक परिक्षा सन् २००२ मा थियो तर उनले आफ्ना बाबुको स्थानमा कोलकत्ता पुलिसमा काम पाउने पक्का भएपछि आफ्नो घरको आर्थिक स्थितिलाई टार्नको निम्ति पढ्ने मन हुंदा हुंदै कोलकत्ता पुलिसमा सिपाहीको रुपमा भर्ती भए। कलम समाउने बेलामा उनी खाकी लुगा लगाएर कोलकत्ताको गल्ली गल्ली पुलिसको डन्ठा समाउदै हिडे। कोलकत्ता पुलिसका जोइन्ट कमिशनर अफ पुलिस साथै एडिसनल कमिशनर जुल्फीकर हसन र डेप्युटी कमिशनर अफ पुलिस राजेश सुवर्ण (हाल दार्जिलिङ जिल्लाका एस.पी.) ले कोलकत्ता पुलिसमा २००५ मा एउटा ब्यान्ड स्थापना गरे जसलाई अर्केष्ट्रा ब्यान्ड भनि नामाकरण दिए। त्यही ब्यान्डमा प्रशान्त मुख्य गायकको रुपमा कार्यरत भए। जुन ब्यान्डको लक्ष्य गाउं गाउंमा गएर त्यहां रहेका एनजिओहरुसित मिलेर कार्यक्रम संचालन गर्नु रहेको थियो। जसको लक्ष्य साधारण जनताहरुसंग पुलिसको सम्बन्ध बढाउनु थियो।
कसरी सहभागी भए प्रशान्त इण्डियन आइडियलमा ?
सोनी च्यानलले शुरु गरेको इण्डियन आइडियल कार्यक्रममा एउटा कार्यक्रम भारतको उत्तर पूर्वी राज्यहरुको निम्ति कोलकोत्तामा राखिएको थियो। जसमा सहभागी जनाउन चाहाने प्रतियोगीहरुले मोवाईल फोनबाट एसएमएसद्धारा आफ्नो नाम दर्ता गर्नुपर्ने थियो। जसमा प्रशान्तले पनि आफ्नो नाम दर्ता गरे लगभग १२ हजार जनामा प्रशान्त पनि सहभागी बनेर एकसय तीस जनामा छानिए। त्यस पछि फेरी २२ जनामा छानिए र उनि मुम्बई आए। जहां समग्र भारतबाट मात्र नभएर अन्य मुलूकहरुबाट पनि प्रतियोगीहरु आएका छन् र मुख्य २८ जना प्रतियोगीहरु चुनिए जसमा प्रशान्त पनि परे। २८ जना प्रतियोगीहरुको एकल गायनलाई सोनी टि.भी.ले पियानो राउन्ड नाम दिएको थियो, जसबाट टपटेन प्रतियोगीहरु छानिए र यसरी टपटेन प्रतियोगीहरु छानिदा प्रशान्त तामाङ पनि इण्डियन आइडियलको टपटेनको गाला राउण्डमा छानिए। अब उनलाई धेरै भन्दा धेरै भोट दिएर इण्डियन आईडल बनाउनु तपाई हाम्रो कतर्व्य हो।