बीरेन्द्र पौडेल
मुर्म्बई, २५ जुन । भारतका राज्यसभा सांसद तथा बरिष्ठ शिवसेना नेता माननीय मनोहर जोशीले नेपालीहरुको हरेक समस्याहरुलाई समाधान गर्न विशेष ध्यान दिने कुरा बताउनु भएको छ । महाराष्ट्र मुर्म्बईको दादर पश्चिम स्थित शिवसेना सर्म्पर्क कार्यालयमा हिजो आज आइतबार भएको नेपालीहरुसंगको भेटघाट कार्यक्रममा उहाले सो कुरा बताउनु भएको हो । भारतको पर्ूव लोकसभा अध्यक्ष, तथा मुख्यमन्त्री समेत रहनुभएका जोशीले नेपालमा भएको अहिलेको राजनितिक परिवर्तनबाट आफुले चाहे जस्तो कार्य नभएको उल्लेख गर्दै नेपाल एकमात्र हिन्दुराष्ट्र भएकोले सदा हिन्दु राष्ट्रनै रहनु पर्नेमा जोड दिनुभयो । उहाले कुनै पनि सभा तथा सम्मेलनमा नेपाल र भारत भाई-बहिनी जस्तै सम्बन्ध रहेको र हिन्दुस्तानको अगाडी नेपालको आदर्श र हिन्दुराष्ट्रको उदाहरण दिदै आएको बताउदै नेपाललाई पुनः हिन्दु राष्ट्र बनाउन विशेष पहल गरिने कुरा बताउनु भयो । सधै नेपालीहरुको साथमा रहदा खुसीको महशुस हुने बताउदै उहाले नेपालीहरु इमान्दारी भएकोले अहिले हर क्षेत्रमा अगाडी बढेका छन् भन्नुभयो । भेटघाटमा सहभागी विभिन्न नेपाली प्रतिनिधि तथा प्रत्रकारहरुलाई सम्बोधन गर्दै उहाले शिवसेनाको एउटै सोचाई हिन्दुहरुलाई एक गर्नु हो र हिन्दु राष्ट्र बनाउनु हो भन्नुभयो । नेपालमा समेत शिवसेनाको विस्तार गर्नको लागि एक शिवसेनाका सांसदलाई भारत र नेपालको संयुक्त रुपमा समन्वय गर्न सक्ने व्यक्तिलाई राख्न पहल गर्ने पनि बताउनुभयो । भेटघाट कार्यक्रमका अर्का वक्ता शिवसेनाका थाना जिल्ला उपशाखा प्रमुख फत्ते सिंह सोडारीले भारतमा कुनै पनि पार्टर्ीी नेपालीहरुको हितको लागि विशेष कार्य नगरेको तर शिवसेनाले गरेको उल्लेख गर्दै नेपालीलाई नगरसेवक सम्मको पदमा पनि राख्ने एकमात्र पार्टर्ीीशवसेना हो भन्नुभयो । उहाले लाखौ नेपालीहरु रहेको मुर्म्बईमा चुनावको समयमा थुप्रै पार्टर्ीीले आश्वासन दिन्छन र नेपालीहरुको भोट लिन्छन तर पछि केहि गर्दैनन् भन्नुभयो । यसैगरी नेपाली श्रमिक मजदुर युनियनका अध्यक्ष तथा समाजसेवी मास्टर थापाले विश्वको एकमात्र हिन्दु राष्ट नेपाल लाई आज धर्म निरपेक्ष बनाएको छ , तर यसको विरुद्धमा शिवसेनाबाट उठ्नु पर्ने आवाज उठेको छैन । त्यसैले हिन्दुराष्टनै राख्नको लागि राज्यसभाबाटै पहल होस भनि माग गर्नुभयो । कार्यक्रममा हर्वो इन्टरनेशनलका प्रमुख प्रतिनिधि राज शर्मा,समाजसेवी चेतमान बोगटी तथा सन्तोष थापाले नेपाललाई पुनः हिन्दुराष्ट्र बनाउनको लागि तुरुन्त पहल गर्नुपर्ने बताउनु भयो । तीन दर्जन भन्दा बढि प्रवासी नेपाली, पत्रकार र बुद्धिजिबीहरु उपस्थिति रहेको सो भेटघाट कार्यक्रम आज मध्यान्ह ११ बजेदेखि शुरु भएको थियो ।