काठमाडौं, माघ ७/काठमाडौंमा आजको जनपर््रदर्शन र सभालाई बिथोल्न शाही सत्ताले व्यापक धरपकड गरेको विरोधमा सात दल समर्थित नेपालीहरुले भारतको राजधानी दिल्लीमा रहेको नेपाली दुतावासअगाडि दिएको धर्नाको क्रममा भारतीय प्रहरीले दर्जनौंलाई पक्राउ गरेको समाचार छ ।
आज बाह्र बजेतिर पक्राउ पर्नेमा रामलाल काफ्ले, बालकृष्ण पाण्डे, युवराज बास्कोटा, राजु भट्टर्राई, पत्रकार अरुण जोशी लगायत दर्जनौं रहेका छन् । उनीहरुलाई अहिले तिलक मार्गको प्रहरी थानमा राखिएको हाम्रा प्रवास सम्वाददाताले बताएका छन् । त्यसको एक घण्टा पहिले राइटिना मार्गबाट बाराखम्बा रोडमा रहेको नेपाली दुतावाससम्म पर््रदर्शनकारीहरुले पर््रदर्शन गरेका थिए र आधा घण्टा पहिलेदेखि दुतावासमा धर्ना दिइरहेका थिए ।
सात दल समर्थित नेपालीहरुले आज ३ बजे जन्तरमन्तरमा काठमाडौंमा सात दलको कार्यक्रममा भएको धरपकडको विरोध र लोकतन्त्रको पक्षमा जुलुस र सभा गर्ने कार्यक्रम राखेका छन् ।
उता नेपाल जनअधिकार सुरक्षा समिति, भारतले काठमाडौंमा सात दलको कार्यक्रममा शाही सत्ताले गरिरहेको ज्यादतिको निन्दा गर्दै आइतबार जन्तरमन्तरमै सांकेतिक विरोधको कार्यक्रम राखेको छ ।

विजयबाबु खत्री
काठमाडौं, पुस २६ - सरकारद्वारा रोजगारीमा प्रतिबन्धित इराकमा दुई सातादेखि १६ नेपाली अलपत्र छन् । नेपाली र भारतीय एजेन्टमार्फत् भारतको मुम्बईबाट जोर्डन हँुदै त्यहाँ पुगेका ती नेपाली बग्दादमा रोजगारदाता लिन नआएपछि अलपत्र परेका हुन् । अहिले उनीहरूलाई प्रहरीले विमानस्थलमै थुनेको छ । ‘१६ नेपालीलाई यहाँको विमानस्थलमा प्रहरीले थुनेको छ’ दुबईको आपूर्ति कम्पनी केएफसीका तर्फबाट बग्दादस्थित अमेरिकी सैनिक क्याम्पमा कार्यरत सुभत अर्यालले भने । दुबईबाट आएका सामान लिन दैैनिकजसो विमानस्थल पुग्ने क्रममा आफूले उनीहरूको अवस्था थाहा पाएको अर्यालले फोनमार्फत बताए । इराकमा त्यही पुगेपछि मात्र भिसा लाग्ने भएकाले विमानस्थलमै सम्बन्धित रोजगारदाता लिन आउनुपर्ने नियम छ । तर पीडित नेपालीलाई दलालले त्यहाँ पुगेर सम्पर्क गर्न भनिएको व्यक्तिको नाम-ठेगाना गलत पाइएको छ । अर्यालका अनुसार विमानस्थल प्रहरीको थुनामा रहेका नवलपरासीका छत्रबहादुर क्षेत्री र रूपन्देहीका पारस थापाले आफ्नो नाम पानी पुर्‍याउन गएका त्यही कार्यरत नेेपाली गार्डहरूलाई दिएका थिए । उनीहरूका अनुसार नवलपरासीको रामनगरका रोमनाथ र मुम्बईका नेपाली दलालहरू दिनेश कटुवाल, प्रेम कार्की र अमर बुढाथोकी तथा भारतीय दलाल इब्राहिमले उनीहरूलाई बग्दाद पुर्‍याएका हुन् । त्यहाँ पुग्न उनीहरू प्रत्येकले दलाललाई डेढ लाख रुपैयाँभन्दा बढी दिएका थिए । बग्दाद पुग्न उनीहरूले मुम्बईमा दुई महिनाभन्दा बढी कुर्नु परेको थियो । तिनै दलालहरूले इराकमै पठाउन थप ३० नेपालीलाई दुई महिनादेखि मुम्बई राखेको पीडित युवालाई उद्धृत गर्दै अर्यालले बताए । उनीहरू सबैलाई एउटै कम्पनीमा रोजगारी दिने भनिएको थियो । ‘उनीहरूले अहिले आफूलाई नेपाल फर्काउन सहयोग गर्नुपर्‍यो भनिरहेका छन्’ अर्यालले भने । उनीहरूलाई त्यहीँका केही नेपाली मिलेर खाना उपलब्ध गराउँदै आएको अर्यालले जनाए । ती नेपालीलाई जोर्डनबाट चार्टर्ड विमानमा त्यहाँ पुर्‍याइएका हुन् । बग्दाद विमानस्थलबाट व्यावसायिक उडान नभएकाले उनीहरूलाई सजिलै फर्काउन सकिने अवस्था छैन । बग्दादबाट दुबई र जोर्डनसम्म चार्टर्ड विमान मात्र उड्छन् । ‘अलपत्र नेपालीको उद्धार र मुम्बईबाट आउने तयारीमा रहेकालाई रोक्न सरकारले तत्काल पहल गर्नुपर्छ’ अर्यालले भने । savar : Kantipuronline

बीरेन्द्र पौडेल,
मुर्म्बई, ७ जनवरी । भारतको अति व्यस्त शहर अर्थात बलिउड नगरी । मुर्म्बईमा एक पछि अर्को गरी नेपाली चलचित्र (कलिउड)का चर्चित नायक नायिकाहरु आउने जानेक्रम जारी छ । फिल्मी नगरीको रुपमा परिचित मुर्म्बई यसैपनि कलाकारहरुको लागि मात्र नभएर सबैका लागि सपनाको शहर बनेको छ । केहि बर्षपहिला नेपाली फिल्मको इडिटिङ, मिक्सिङ,सुटिङ र गीत रेकर्डिङको लागि समेत नेपाली चलचित्र क्षेत्रका निमार्ता-निर्देशक तथा कलाकारहरु मुर्म्बई आउने गर्दथे भने अहिले दुइ बर्षयता आएर नेपाली सास्कृतिक कार्यक्रममा सहभागी हुन भनि नेपाली चलचित्र क्षेत्रका चर्चित नायक नायिकाहरु मुर्म्बई आउने गरेका छ । यसैबीच यसैहप्तामा कलिउडका चर्चित दुइ नायक मुर्म्बई आउने भएका छन् । नेपाली चलचित्रमा छोटो समयमै एक्शनबाट आङ्खनो छुट्टै स्थान ओग्टन सफल नायक निखिल उप्रेती भोलि हुने सिने संगम कार्यक्रममा सहभागी हुन मुर्म्बई आउदैछन् भने नेपाली चलचित्र क्षेत्र का सुपरस्टारको रुपमा परिचित नायक राजेश हमाल अर्को आइतबार अर्थात १५ जनवरीमा हुने मनोरञ्जनात्मक सास्कृतिक कार्यक्रममा सहभागीता हुन आउदैछन् ।
नेपाली चलचित्रका यि दुइ हस्ति आउने खबरले मुर्म्बईमा चलचित्र प्रेमी दर्शकहरुमा नया“ उमंग छाएको छ भने कार्यक्रम आयोजकहरु पनि जोडतोडका साथ कार्यक्रम सफल तुल्याउन लागि परेकाछन् । भोलि चर्निरोड स्थित भारतीय विद्या भवनमा एक्शन नायक निखिल उप्रेतीलाई भेट्न सकिने छ भने आगामी आइतबार चर्निरोडको मुर्म्बई मराठी साहित्य हलमा हुने कार्यक्रममा सुपरस्टार नायक राजेश हमाललाई भेटिने छ । दुवै नायकहरु मुर्म्बई लगाएत सुरत वापी, पुना, अहमदावाद लगाएतका भारतका अन्य शहरहरुका कार्यक्रमहरुमा समेत सहभागी हुनेछन् । नेपालको वर्तमान अवस्थाले चलचित्र क्षेत्र मात्र नभएर सबै क्षेत्रमा मन्दि आएको अहिलेको अवस्थामा यि दुइ व्यस्त नायक हरुको भारत आगमनले पनि नेपाली चलचित्र क्षेत्रमा केहि मन्दि आएको महशुस गर्न सकिन्छ । एक्शन नायक निखिल उप्रेती लाई मुर्म्बई मा पहिलो पटक प्रितम् फिल्मस् डिस्टिव्यर्ुटस्ले लिएर आउदै छ भने सुपरस्टार राजेश हमाललाई मुर्म्बईमा धानुक सास्कृतिक समुहले ल्याउदै छ । राजेशलाई अन्य शहरहरुमा निर्देशक प्रेम वि.केले लिएर जानेछन । राजेश हमाल यसभन्दा पहिला पनि दुइ पटक यस्तै सास्कृतिक कार्यक्रममा सहभागी भैसकेको हुनले उनको यो तेस्रो कार्यक्रम हो भने निखिल सास्कृतिक कार्यक्रमको लागि पहिलो पटक मुर्म्बईमा आएको हुनाले निखिलका फ्यानहरु अझ विशेष उत्साहित देखिन्छन् । यस भन्दा पहिला पनि मुर्म्बईमा कलिउडका चर्चित खलनायक सुनिल थापा, चर्चित नायकहरु दिलिप रायमाझी, सुशिल क्षेत्री,रमित ढुंगाना, निर्देशक शिव रेग्मी, शेखर कोइराला, नायिका झरना थापा, नृत्य निर्देशक बस्ान्त श्रैष्ठ, निर्माता अशोक शर्मा, अर्जुन श्रेष्ठ, हास्य कलाकार नारायण त्रिपाठी, संगीतकार सुरेश अधिकारी, निर्देशक नरेश पौडेल लगाएतका दर्जनौ हस्तीहरु मुर्म्बई आइसकेका छन । चर्चित खलनायक मुरलीधर , गायक कुमार कान्छा, वरिष्ठ संगीतकार रञ्जित गजमेर, निर्देशक वि.एस.थापा, नायिका सोनिया मल्ल , गायिका जमुना शर्मा लगाएका कलिउडसंग सम्बन्धित कलाकारहरु मुर्म्बईमा नै रहदै आएका छन् । यसरी बलिउड नगरी मुर्म्बईमा कलिउडका चर्चित नायक नायिका, गायक गायिका, निर्माता निर्देशक तथा कलाकारहरुको आगमनले झण्डै चारलाख प्रवासी नेपाली रहेको मुर्म्बईमा एउटा बेग्लै रौनक छाएको छ । मुर्म्बई बाट प्रकाशित हुने नेपाली समाज दैनिक लगाएतका प्राय सबै पत्रपत्रिकाहरुमा कार्यक्रम सम्बन्धी प्रचार प्रसार र समाचारले विशेष स्थान ओगटेको छ ।

कुलचन्द्र न्यौपाने
पोखरा, पुस २३ - निर्वाचन बहिष्कारबारे एमालेले बाग्लुङमा शनिबार आयोजना गरेको कार्यकर्ता भेलामा ‘माओवादी’ को परिचय दिँदै सैनिक प्रवेश गरी बिथोल्ने प्रयास गरेका छन् । कार्यक्रम सञ्चालन भइरहेकै बेला मुख ढाकेका दुई जना माओवादी भेषमा आएपछि कार्यकर्ताहरू डराएका थिए । उनीहरूसँगै सादा पोसाकका सात सैनिक पनि हलमा देखिए । ‘रुमालले मुख ढाकेका दुई जना कार्यक्रम स्थलभित्र आउन खोजे, उनीहरूलाई देखेर कार्यकर्ता डराए,’ कार्यक्रमका प्रमुख अतिथि एमाले वैकल्पिक सदस्य रामजी शर्माले भने- ‘कार्यकर्ताहरू तर्सिएपछि सादा पोसाकका सात जनामध्ये एकले हामी पनि तपाईंहरूजस्तै हौं, नडराउनुहोस् भने । अनि परिचय माग्दा उनीहरूले माओवादी भनेर आफूलाई चिनाए ।’ र्माका अनुसार यो हाम्रो आन्तरिक भेला हो, तपाईंहरू कृपया बाहिर गइदिनुहोस् भनेपछि उनीहरूमध्ये एकले ‘म कमरेड राजेश’ भनेर परिचय दिए ।
त्यस्तो परिचय दिनसाथ ती सैनिकसँग परिचित पत्रकार हरिनारायण गौतमले उहाँहरू ब्यारेकबाट आउनुभएको हो भनेर जानकारी गराएपछि उनीहरू गौतममाथि खनिए । उनलाई किन परिचय दिएको भनी मानसिक तनाव दिँदै समाचार संकलन गरिरहेको कार्यक्रमस्थलबाटै नियन्त्रणमा लिए । कार्यक्रम सदरमुकामदेखि दुई घन्टा पैदलमा पर्ने कालिमाटीस्थित विश्वकर्मा प्रस्तावित माविमा भएको थियो ।त्यहाँ आएका नौमध्ये सात जना सैनिक रहेको र दुई जना को हुन् भन्नेबारे थाहा नभएको एमालेले जनाएको छ । ‘सेनाले मुख ढाकेर ल्याएका दुई जना आत्मसमर्पण गरिएका माओवादी पनि हुनसक्छन्,’ एमाले जिल्ला कमिटी सचिव इन्द्रलाल सापकोटाले भने- ‘सात जना सैनिक रहेछन् भन्ने कुरासमेत पछिमात्रै खुल्यो ।’ कार्यक्रम हल बाहिर गइदिनुहोस् भन्दा ती सैनिकले शर्मालगायत जिल्ला कमिटी उपसचिव जनक पौडेल, सदस्य एवं नगर इन्चार्ज प्रज्ज्वल गौतम, अनेरास्ववियु जिल्ला अध्यक्ष भूपाल चालिसे सहितलाई दुव्र्यवहार गरेको एमालेले जनाएको छ । एमालेले घटनालाई ठूलो षड्यन्त्र भनेको छ । ‘धन्य, समयमै पत्रकार गौतमले परिचय गराइदिँदा केही भएन, नत्र ठूलो घटना हुने रहेछ,’ सापकोटाले भने- ‘उनीहरू हामी माओवादी हौं, हामीलाई पनि बोल्न दिनुपर्छ भन्ने किसिमले प्रवेश गरेका थिए ।’ कार्यक्रममा सादा पोसाकमा पठाएर वरिपरि अन्य सेनाको जत्था पनि राखिएको एमालेले दाबी गरेको छ । ‘यिनीहरूको कार्यक्रममा माओवादीलाई बोल्न दिए भन्ने पारेर हामीमाथि कारबाही गर्ने षड्यन्त्र रचिएको थियो’ सापकोटाले भने- ‘यो षड्यन्त्र कार्यक्रम बिथोल्ने मात्रै थिएन, ठूलै घटना गराउने योजनासमेत थियो ।’ भेला बिथोल्न माओवादीको बहानाबाजीमा सैनिकहरू आएको आरोप लगाउँदै जिल्ला कमिटीद्वारा जारी विज्ञप्तिमा नेता तथा कार्यकर्तामाथि भएको दुव्र्यवहार र पत्रकारलाई नियन्त्रणमा लिइएको घटनाप्रति खेद प्रकट गरिएको छ । ‘शान्तिपूर्ण भेलामाथि निरंकुशताको पहरेदारका रूपमा शाही सेना उपस्थित हुने कुराले पार्टीलाई स्तब्ध तुल्याएको छ,’ विज्ञप्तिमा भनिएको छ- ‘निरंकुशतावादीहरूलाई सेनाको आडमा होइन, खुलेर जनताको माझमा आउन चेतावनी दिन्छौं ।’ गौतमलाई तीन घन्टापछि ब्यारेकमा लगेर छाडिएको थियो । उनी पत्रकार महासंघ धौलागिरी शाखाका सचिव हुन् । सेनाले कब्जामा लिनुको कारण माओवादी नाममा प्रवेश गरेका सैनिकलाई चिनाइदिनु रहेको उनले कान्तिपुरलाई बताए । उनलाई २३ नम्बर बाहिनीमा लगेर छाडिएको थियो । बाहिनीका प्रवक्ता हेमजंग थापाले भने ‘मिस अन्डरस्ट्यान्डिङ’ का कारण यस्तो घटना भएको तर पत्रकारलाई कव्जामा लिने र कार्यक्रम बिथोल्ने कुनै योजना नभएको बताए । ‘कब्जामा लिएको होइन, कार्यक्रम बिथोल्न खोजेको पनि होइन, फिल्डमा खटिएका सैनिकको व्यवहारबाट दुःख लागेर उहाँ -गौतम) आफै कुराकानी गर्न ब्यारेक आउनुभएको हो,’ थापाले भने । घटनाको महासंघ धौलागिरीले पनि भत्र्सना गरेको छ । शाखा सभापति राजेशराज राजभण्डारीद्वारा जारी विज्ञप्तिमा शान्तिपूर्ण कार्यक्रमको समाचार संकलन गरिरहेका पत्रकारलाई सादा पोसाकका सैनिकले कब्जामा लिई तीन घन्टा मानसिक यातना दिएकामा भत्र्सना गरेको छ । savar - Kantipur Online

काठमाडौ ७ जनवरी । नेपाली कांग्रेस प्रजातान्त्रिकको सभापतिमा शेरबहादुर देउवा निर्विरोध निर्वाचित हुनु भएको छ ।

भ्रष्टाचारको आरोपमा शाही आयोगको हिरासतमा रहनु भएका सभापति देउवाको मनोवल बढाउन केन्द्रीय पदाधिकारीबीच देउवाविरुद्ध कसैले पनि उम्मेदवारी नदिने सहमति भएको थियो । आज दिउंसो सुरु भएको उम्मेदवारी दर्ता प्रक्रियामा २६ निर्वाचित केन्द्रीय सदस्य पदका लागि ८३ जनाले उम्मेदवार दिएका छन् जसमध्ये १८ जना खुल्ला प्रतिस्पर्धाको लागि ६५ र आरक्षणका लागि छुट्याइएको ८ सिटका लागि २१ जनाको नाम दर्ता भएको छ । आरक्षणमध्ये महिलाका लागि भनिएको २ सदस्य पदमा ५ जना, जनजातिको २ मा ७ र मधेशीको २ का लागि ५ जनाले उम्मेदवारी दिएका छन् । त्यसैगरी दलित र कर्ण्ााली अञ्चलका लागि छुट्याइएको १/१ आरक्षण सिटमा २/२ जनाले उम्मेदवारी दिएका छन् ।
केन्द्रीय सदस्य छनोटका लागि आइतबार बिहान निर्वाचन हुने कार्यक्रम रहेको छ । निर्वाचनमा अधिराज्यभरबाट निर्वाचित भइ आएका १४ सय ३५ र सभापति देउवाद्वारा मनोनित ३० गरी १४ सय ६५ महाधिवेशन प्रतिनिधिहरुले मतदान गर्ने छन् । आज सभापति देउवाको उम्मेदवारी दर्ताका लागि गोपालमान श्रेष्ठ, दिपकुमार उपाध्याय, बसन्त गुरुङ, डा. प्रकाशसरण महत, होमनाथ दाहाल, किशोरसिंह राठोर र बालकृष्ण खांडले प्रस्ताव गर्नुभएको थियो भने र्समर्थकहरुमा विजयकुमार गच्छेदार, विमलेन्द्र निधि, ज्ञानेन्द्र कार्की, उमा अधिकारी, रमेश रिजाल, मिनेन्द्र रिजाल र एनपी साउद थिए ।

काठमाडौ ७ जनवरी । अमेरिकाको टेक्सास राज्यमा भएको एक सडक दर्ुघटनामा चार जना नेपाली विद्यार्थीले ज्यान गुमाएका छन् । शुक्रबार भएको सडक दर्ुघटनामा परी ज्यानगुमाउनेहरुमा २१ वषिर्य अमृत दाहाल, पुकार आचार्य, २० वषिर्य सुवास गुरुङ र २२ वषिर्य प्रल्हाद गुरुङ रहेको विभिन्न संचार माध्यमले जनाएका छन् । मृतक नेपालीहरु सबै ह्युस्टन विश्वविद्यालयका विद्यार्थी भएको बुभिएको छ । नेपाली विद्यार्थीहरु चढेको डज स्ट्राटस कारलाइ मोडमा अर्को कारले ठक्कर दिए पछि दुर्घटना भएको हो। यो हप्ता मात्रै अमेरिकामा भएको सडक दुर्घटनामा ७ जना नेपाली विद्यार्थीको ज्यान गइसकेको छ। तीन दिन अगाडि पनि मिनेसोटा राज्यमा कार दुर्घटनामा परि तीन नेपाली विद्यार्थीको मृत्यू भएको थियो।

काठमाडौ ४ जनवरी । अमेरिकाको मिनिसोटा राज्यमा भएको सडक दर्ुघटनामा तीन नेपाली विद्यार्थीको मृत्यु भएको छ ।

मिनिसोटा राज्यको सेन्डजेम्स नजिकै २ दिनअघि भएको सो दर्ुघटनामा १९ वषिर्य उत्सव बस्नेत, २० वषिर्य निश्मा तिमल्सिना र २० वषिर्य वेदिजा खरेलको मृत्यु भएको थियो । अध्ययनका लागि अमेरिका पुगेका तीनै जाना काठमाडौबासी भएको पत्ता लागेको हो । मृतक निश्मा राजधानीको शंखमुलकी, वेदिजा खरेल बत्तिस पुतलीकी र उत्सव बस्नेत कुलेश्वरका हुन् । मृतकमध्ये २ जनाको अन्त्यष्टि अमेरिकामै गरिने र तिमल्सिनाको शव काठमाडौ ल्याइने भएकोछ ।

बिरेन्द्र पौडेल
मुर्म्बई, २ जनवरी । धर्ति छाया“ पडि गयो, उनिका चन्द्रको, सम्झना सबैलाई भाई हो पुषका पन्ध्रको । अस्ति मात्र हामीबाट विदा भएको पुषे पन्ध्रलाई यसपटक मुर्म्बईमा पनि विशेष कार्यक्रम गरी मनाईयो । नेपाल अधिराज्य भर मानिने पर्व भएता पनि पुष पन्ध्रलाई नेपालको सुदुरपश्चिम र मध्यपश्चिममा विशेषगरी मनाईने गरिन्छ । सोहि अनुरुप प्रवासमापनि यसै पुषे पन्ध्रको शुभ अवसर पारेर अस्ति शनिवार मुर्म्बईमा पहिलो पटक खुल्ला देउडा गीत प्रतियोगिताको आयोजना गरियो ।

दर्शकहरु दौडा हर्ेर्दै

केहि महिना अघि मात्र स्थापना गरिएको नेपाल भारत साहित्य मञ्चले पहिलो कार्यक्रम स्वरुप आयोजना गरेको सो देउडा गीत प्रतियोगितामा मुर्म्बईका विभिन्न स्थानबाट मात्रै नभएर सुरत बाट समेत देउडा प्रेमीहरुको उल्लेखनीय सहभागिता रहेको थियो । प्रतियोगितामा खनाल जन जागृति युवा क्लब थाना प्रथम, संयुक्त नेपाली महासंघ मुर्म्बईको समूह द्धितिय, धानुकाडा“ सास्कृतिक समुह तृतिय र चुलिमालिका युवा क्लब सान्तोना भएको थियो । प्रतियोगितामा नेपाली समाज दैनिक, नेपाल सन्देश साप्ताहिक, सुरतबाट सहभागीहुन आएको रेग्मी समुह र सोडारी यूवा क्लबले समेत प्रतिस्पर्धा गरेको थियो भने अछामी नेपाली सेवा समितिले टिम दर्ता गरे पनि प्रतिस्पर्धामा उत्रिएको थिएन ।

कलाकारहरु गित गाउँदै

कार्यक्रममा निर्ण्ाायकको रुपमा सयुक्त नेपाली महासंघ मुर्म्बईका उपाध्यक्ष मिन बहादुर खत्री, धानुकाडा सास्कृतिक समुहका प्रोपर््राईटर प्रेम धानुक र कला प्रेमी चेतमान खड्का रहनुभएको सो कार्यक्रमको सञ्चालन नेपाल भारत साहित्य मञ्चका सचिव पुष्पराज भट्टले गर्नु भएको थियो । प्रतियोगिता मा संयुक्त नेपाली जन कल्याण समितिका अध्यक्ष हर्क बहादुर साउद, प्रवासी नेपाली संघ भारतका केन्द्रिय सदस्य डम्बर रावल, हास्य कलाकार तथा नृत्य निर्देशक नरेन्द्र श्रैष्ठ, पत्रकारहरु तथा समाजसेवीहरुले देउडा गीत प्रतियोगितालाई रोचकता पर्ूवक अवलोकन गरेका थिए । कार्यक्रममा आठ टीम हरु सहभागी भएका थिए भने कार्यक्रमको विच विचमा एकल देउडा र ठाडी भाक्या समेत प्रस्तुत गरिएको थियो । प्रवासमा रहेका साहित्य अनुरागीहरुलाई एकजुट गरिएको नेपाल भारत साहित्य मञ्चले नेपाली कला र साहित्यको संरक्षणको लागि आगामी दिनहरुमा समेत यस्ता कार्यक्रमहरु गर्ने लक्ष्य रहेको मञ्चका अध्यक्ष ह्रदयराज तिमिल्सेनाले नेपाली समाजलाई बताउनु भयो । प्रतियोगिताको बिचमा सुदुर पश्चिमका चर्चित देउडा गायक नन्दकृष्ण जोशीले पठाउनुभएको शुभकामना पत्रसमेत बाचन गरिएको थियो भने विजयी टिमहरुलाई सोहि अवसरमा अतिथिहरुको हातबाट पुरस्कार तथा प्रमाण पत्र प्रदान गरिएको थियो । कार्यक्रममा सहभागी सबैले प्रवासको ठाउमा पनि न्याउले र देउडागीतमा दोहोरी हानेको देख्दा र सुन्दा हषिर्त देखिन्थे । स्मरणरहोस केहि महिना पहिला मात्र स्थापना गरिएको साहित्य मञ्चले केहि दिन भित्रै मेचिकाली नामक साहित्यिक पत्रिका समेत प्रकाशित गर्ने भएको छ ।